[شو اللـي يـابنـي فـبــالــك]

[شو اللـي يـابنـي فـبــالــك]




"."."."."."."."."."."."."."




يا كم تمنيت السعاده بدنياي
وشفت السعادة تبتعد ماتبيني
اشكي لربي خالق الخلق شكواي
عساه يسعد ما بقى من سنيني
اخفي عن الجلاس همي وبلواي
واضحك واجامل والشقا مبتليني




"."."."."."."."."."."."."."




من عادتي مادوس درب الهوى دس
اللعب على المكشوف واكشف سواده
من مدلي يمناه مديت له خــمــس
ومن صد عني عفت شوفت بلاده
لأني عزيز وعزتي تحكم النفس
والنفس ماترضى بهون المكاده




"."."."."."."."."."."."."."




أبي الصراحه حبيبي .. أيه صارحنـي
وش صار مني وش اللي صار بغيابي ؟
ماني بخاسرك وأنته ماأنـت رابحنـي
ذاك أول اللـي ليامـن جيـت تلقابـي
أموت لك من وفايـه وأنـت تذبحنـي
والله مصيبـه أذا قـصـدك تلهـابـي




"."."."."."."."."."."."."."




مري شمال أن كان ودك تمرين
مري على قبري وشوفي محله
وأن كان ودك فوق قبري تصلين
إليا سجدتي فلي الراس كله
أشم ريح مثل ورد البساتين
جسم كلاه الدود وصلك يبله
وعند الوداع خطي على القبر حرفين
مرحوم يا اللي صاحبه ما حصله




"."."."."."."."."."."."."."




لاتشتكي حالك لكل من جاك
بعض البشر يفرح إذا أنت مهموم
أحذر ناقل الهرج لعداك
يظهر لك الطيبه ويدس لك سموم
لاتذكر أفعالك وماتجود يمناك
ربك يدري والخير مقسوم
وصايا تسعدك دوم بدنياك
أحفظ معانيها تحفظك من اللووم




"."."."."."."."."."."."."."




بين العرب جالس وبالقلب سجات
جسمي يشوفونه وقلبي خلاوي
عزاه عزاه ياقلبٍ تعذّب ولا مات
بين الأمل واليأس دايم شقاوي
ولولا الرجا في شوفكم بعض الأوقات
لموت من الفرقاء ولا لي مداوي




"."."."."."."."."."."."."."




لاصار هذي سواتك راح تخسرني
ماعمر أحد راح من كيفه وناديته
عند الكرامه أبيعك وأنت خابرني
الله وكيلك ترى كل شيء مريته
كانه هجر بسلامه روح وأهجرني
أخوي لاصد عني ماترجيته




"."."."."."."."."."."."."."




ياللي تقول أنس الذي راح ترتاح
تراك كنك بالمقابر تنادي
اللي وطى الجمرة ومن حرها صاح
يضحك عليه اللي بظل وبرادي
الليل كله ماتهنيت بمراح
يسري بي الهاجس في كل وادي
أستعرض الماضي بحلوه والأملاح
فلمه على شاشة خيالي يعادي




"."."."."."."."."."."."."."




راسك علامك رافعه يوم
أحاكيك
الظاهر أني فوق حجمك
عطيتك
لحظة نبي نرجع دقيقه
لماضيك
بذكرك في أي حاله
لقيتك
كان الضياع ودمعتينك
تخاويك
منهار وفي عز أنهيارك خذيتك




"."."."."."."."."."."."."."




الضحك ماهو علامة مستريح
والبكاء أحيان مايوحي بحزن
خذ مثل مني
أنا قلبي جريح
وأبتسملك
من غرابيل وشجن
وإن بكيت
يجوز أبكي من صحيح
من جرح من ظلم
من صدمة زمن
أو يجوز أبكي
علشان أستريح
أو نتيجة شوق
أو حزن وندم




"."."."."."."."."."."."."."




حرام تحرمني من الصوت والشوف
وحرام تذبحني بزهرة شبابي
وحرام تقطف وردة الحب بسيوف
وحرام تهجرني وتخلف صوابي
لا تبتعد عني ترى القلب مخطوف
ما باقي إلا الجسم داخل ثيابي




"."."."."."."."."."."."."."




عهد مضى وياك لاشك له شان
ذكراك تبقى في خيالي تفوحي
أشكي غيابك كم أنا صرت ولهان
لو أكتم الخافي عيوني تبوحي
مالي على حكم القدر أي سلطان
غصب علي أقضي الليالي بروحي




"."."."."."."."."."."."."."




نبتدي باحترام وننتهي باحترام
ونتوادع وداع الليل ويام الفجر؟؟
يوم علمتك على ايدي اصول الغرام
جيت بعدي تعلمني اصول الهجر؟




"."."."."."."."."."."."."."




ابكى ترى كثر البكا يغسل الهم
//
ابكى على مافرطت به يمينك




"."."."."."."."."."."."."."




يا صاحبي ما عاد لي فيك حاجه
ماني على خبرك سواليف ومــزوح
جــرحٍ مـع الأيــام يلقى علاجه
وبعض الجروح علاجها نزعة الروح




"."."."."."."."."."."."."."




يا زمان رد لي ولا تترك الدمعة بروحي تطوفي .. قد غديت بحاضري اشلاء وجدٍ مفجعه
هذا انا في حاضري كسير منكشف خوفي .. متلويٍ بين الهموم وآهات صدري الموجعة




"."."."."."."."."."."."."."




يامبعدٍ عني مثل باقي الناس
//
شف خافقي ماهزته ذكرياتك




"."."."."."."."."."."."."."




زعلت وما لقيت أقرب من الدمعة تفك الهم
غضبت وما لقيت أبعد من عيونك أبكيها
حبيبي والوجع يسمع من جروحي حديث الدم
تخيلت الغلا نبضة تحاكيني وأحاكيها




"."."."."."."."."."."."."."




وش ذكرك يا للي هجرتي مصافيك
ياللي غديتي بين ذولا وذولاك
وش ذكرك في قلبٍ اليوم ناسيك
ما هقوتي في يوم يرجع ويهواك




"."."."."."."."."."."."."."




الله اكبر ياهوى البال وش فيك
وش غيرك وش جاك طبعك غريبي
لاوحسايف عبرتي يوم اناديك
تسمع ولكن للاسف ماتجيبيي
عبرة جريح الصوت باسمك تسميك
يانجمة خايف ضواها يغيبي




"."."."."."."."."."."."."."




وش القمرا سوا غلطة ظلاام ولاني مغالي
وش الظلما سوا غلطة ســما بتقلد اهدابك
يساورني يقين ان المطر غلطة هوا عالي
حسب نفسه يصالح غيمتين وبلل ثيابك




"."."."."."."."."."."."."."





حافي قدم والشوك باربع جهاتي
عقب الورود اللي كفوفي تشمه
هنا
هنيا
هناك
باقي شتاتي
وشلون تقدر ياصديقي تلمّه




"."."."."."."."."."."."."."




لالايغرك زين مظهر فتونك
وينسيك انك بالهوى من تكونين
انتي الزهر والارض شينه بدونك
وانا المطر وانتي بدوني تموتين




"."."."."."."."."."."."."."




هان الوفى واليوم بالفعل هونت
//
لااطيق لك شوفه ولا اريد وصلك