كرســي الاعتـــراف مـع ضيـوف مـن طـراز ماسـي خـاص

السلام عليكم ورحمه الله وبركاته

تحيه طيبه لاختي الغاليه مزاجيه.. بس ليش انا يعني ؟!!!
يله نقول ...بسم الله ... وايلس على كرسي الاعتراف !!

ونبدأ بالأجوبه ......... الله يعيني !! اقووول خفووو عليه شوي

- اصعب موقف مر بحياتي كنت مسافره بروحي لبلاد اسيويه علشان واحد من الاهل
كان في ازمه صحيه ومحتاج لي انا بالذات وكانت لي اول سفره ومشيت حالي, وبلاد
اول مره اروح لها والحمدلله دبرت اموري وعرفت اتصرف ..بس الحين بيني وبينكم كرهت
حتى اسم هالبلاد من الي شفته فيها... الحمدلله

- اممممم اعرف اسوي بيتزا وبعد بيض عيون ههههه "شيء عملي وخفيف يعني"

- أدخل النت وقت الصبح من الساعه 9 ونص تقريبا لين 11 ونص افتح ع المسن اجيك ع الرسايل
وعقب ادخل المنتديات المشاركه فيها واتصفح النت ومواقع الموضه والازياء والمكياج
واحيانا اكلم ربعي البنات وخواتي ع المسن .... وبعد ادخل وقت المسى من الساعه 10 تقريبا ومافوق نفس الشغله ...اممم بس

- ليش أخترت هالنك نيم ...اممم احب أحتفظ بالاجابة لنفسي.. !! لان مافيه انسان مرتاح 100%
يله الحمدلله ع كل حال

وهذا انا جاوبت على أسئله حزين بوظبي " لا تستحلي الموضوع" أكيييد بي دورك

وسلااامي للجميع

هلا أختي الغاليه..

الحلوه

أجاوب وليش لا ...!!

- الأعضاء الصراحه كلهم مافيهم حيله ..! و إن شاء الله بيكون لهم مستقبل زاهر وربي يوفقهم جميعا يارب

- لا تسقني كأس الحياة بذلة *** بل فاسقني بالعز كأس الحنظل
البيت واضح ويفسر نفسه

- حكمتي في الحياة.. كوني كالنحلة لا تأكل إلا طيبا ولا تخرج إلا طيبا وأذا وقعت على غصن لم تكسره..!؟

- أكثر شيء ندمت عليه..!! اني صارحت وحده تعتبر من الأهل تقريبا بكل شيء في حياتي لأني كنت اعتبرها أخت و صديقه وفيه ومخلصه وحافظه لاسراري بس للأسف طلعت عكس الصورة الي انا رسمتها لها ... وما أقول غير الله يسامحها

وسلااامي للحلوه